ఫిఫా వరల్డ్ కప్ 2026లో (FIFA World Cup 2026) టైటిల్ ఫేవరెట్ అయిన బ్రెజిల్ ఎట్టకేలకు తన పవర్ చూపించింది. గ్రూప్-సి లో జరిగిన మ్యాచ్లో పసికూన హైతీపై 3-0 తేడాతో బ్రెజిల్ ఘన విజయం సాధించింది. స్టార్ ఆటగాడు మాథ్యూస్ కున్హా (Matheus Cunha) రెండు అద్భుతమైన గోల్స్ చేసి జట్టుకు అదిరిపోయే లీడ్ ఇవ్వగా, సెకండ్ హాఫ్లో వినీసియస్ జూనియర్ (Vinicius Jr) మరో గోల్ కొట్టి బ్రెజిల్ అభిమానులను ఉర్రూతలూగించాడు.
మొదటి మ్యాచ్లో కాస్త తడబడిన బ్రెజిల్, ఈ మ్యాచ్లో మాత్రం తనదైన ‘సాంబా’ స్టైల్ ఫుట్బాల్ ఆడి విమర్శకుల నోళ్లు మూయించింది. హైతీ డిఫెండర్లకు ఏమాత్రం అవకాశం ఇవ్వకుండా బంతిని తమ కంట్రోల్లో ఉంచుకున్నారు బ్రెజిల్ ప్లేయర్లు. ఈ అద్భుత విజయంతో బ్రెజిల్ తన గ్రూప్లో అగ్రస్థానానికి చేరుకుని నాకౌట్ దశకు మరింత చేరువైంది.
