ముంబైలోని ప్రతిష్టాత్మక విద్యాసంస్థ ఐఐటీ బాంబే (IIT-Bombay) క్యాంపస్లోకి అర్ధరాత్రి ఓ చిరుతపులి చొరబడటం కలకలం రేపుతోంది. క్యాంపస్ లోపల పడుకున్న ఒక వీధి కుక్కను చిరుత సైలెంట్గా వచ్చి సెకన్ల వ్యవధిలో వేటాడిన షాకింగ్ దృశ్యాలు అక్కడి సీసీటీవీ కెమెరాల్లో స్పష్టంగా రికార్డ్ అయ్యాయి. ఉదయం ఈ వీడియో చూసిన విద్యార్థులు, సిబ్బంది భయాందోళనలకు గురయ్యారు.
పక్కనే ఉన్న సంజయ్ గాంధీ నేషనల్ పార్క్ (SGNP) సరిహద్దులకు ఆనుకుని ఈ క్యాంపస్ ఉండటంతో, ఆహారం వెతుక్కుంటూ చిరుత వచ్చి ఉంటుందని అటవీ శాఖ అధికారులు భావిస్తున్నారు. విద్యార్థులు రాత్రి వేళల్లో ఒంటరిగా బయటకు రావొద్దని యాజమాన్యం సర్క్యులర్ జారీ చేసింది. అడవి జంతువులు ఇలా జనావాసాల్లోకి రావడంపై నెటిజన్లు ఆందోళన వ్యక్తం చేస్తున్నారు. ఈ చిల్లింగ్ వీడియో ఇంటర్నెట్లో విపరీతంగా వైరల్ అవుతోంది.
